العمليه فى منتهى السهوله وسيتم عرضها فى عدة مواقف متتاليه والله المستعان
*اذا كنت مشفتهاش من زمان وقابلتها صدفه وبتسألك انت عامل ايه ازى احوالك؟
ترد بمنتهى البرود ....انتى مش شايفانى فرحان وسعيد انى قابلتك أقوم ارقص لك يعنى؟
ولما ترد انا اسفه قولها شئ طبيعى
*لو كنت فى عرابيتك وعدت من جنبك عربيه وفيها بنت حلوة افضل باصصلها ولما تقولك انت بتبصلى كدة ليه شد على الرابع ونفضلها...
*لو عايز تغتت اكتر واكتر على اى بنت فى الشارع وقف اى واحدة واسألها الساعه كام هترد وتقولك مثلا الساعه 4.30 بص فى ساعتك وقولها تمام الساعه بتاعتك مظبوطه
*لو اتصلت بواحد والنمرة غلط وردت عليك واحدة وقالتلك النمرة غلط من الطبيعى جدا انك ترد عليها وتقولها معلش اصل صوتك شبه صوت احمد بالظبط
*لو ماشى مع بنت جميله وبتسألك عن رأيك فى شكلها قولها هايله يا حياتى بس لو فيه منك على حريمى
*لو انت فى محل ودخلت بعديك بنت طبعا من الزوق انك تقول للبياع خلص الانسه الاول....والبياع لسه بيجبلها الحاجه قوله : متخلصنى انا بقالى ساعه قدامك وبعدين بتمشى الانسه ليه انا جى قبلها
(اعمل حسابك ان البياع هيضربك بأى حاجه فى ايده )
*لو انت مصاحب بنت جدعه اوى وبتقف معاك فى كل المواقف المنيله اللى بتحصل لك واخر موقف انك نايم على السرير بعد ما انضربت من شويه رجاله كانوا بيعاكسوها وانت عملت فيها احمد عرابى..
امسك اديها برومانسيه وبص فى عنيها ولو لابسه نظارة متبصش وقولها انا مش عارف ارد جمايلك ازاى..لما سقط السنه اللى فاتت وقفتى جنبى.. ولما اتثبت واتسرقت فلوسى وهدومى وقفتى جنبى.. ولما ابويا مات وقفتى جنبى...
مش عارف ليه يا حياتى انا حاسس انك فقر ونحس و وش مـصـايـب.
ــــــــــــــــــــــــــــــــــــــــــــــــــ ــــــــــــــــــــــــــ
وبــكـــده تــكـــون جـــنــنــت نــــص الـبــنـــات
والــنـــص الــتـــانـــي أتــجــنــن وهــو يــقــرئ الــمــوضــوع ده
الرئيسية 
