موضوع: لقمه القاضى على اصولها الإثنين فبراير 20, 2012 11:24 pm
[size=25] [b]بسم الله والصلاة والسلام على رسول الله.. ازيكم يا قمراتي العزيزات يا رب تكونوا كلكم بالف خير لقمة القاضي حبيبتي خادت مني وقت لحد ما ظبتها بس في الاخر بردو ظبطها.. صورة للطبق نبتدي بسم الله
مقادير العجينة: كوب ونص دقيق - نص كوب نشا - معلقتين سميد - معلقتين حليب بودرة معلقة صغيرة خميرة - معلقة صغيرة سكر - نص معلقة ملح - نص معلقة سمنة كوب ونص ماء دافئ - وهنا الاضافة الغريبة شوية نص معلقة صغيرة بيكنج باودر والبكنج باودر حيخليها مقرمشة جدا لاننا حنقليها مرتين
نروح نحضر الشربات: وهيا مهمه جدا علشان هيا الي بتدي الطعم الجميل للزلابية نحط في حلة كوبين ونص سكر - كوب ماء - نص كوب عصير برتقال عصرة لمون ونحط الحلة على النار
ولما تغلي نشيل الريم ونسيب الشربات يستوي على نار هادية ودا مهم علشان ما يسكرش بعدين حياخد تقريبا نص ساعة لحد ما يتقل ويوصل للقوام اللي عاوزينة زي كدا..
نطفي النار ونضيف معلقة سمنة ورشة فانيليا
دا شكله وهو بارد
كدا العجينة خمرت نحط طاسة فيها زيت غزير على النار وما تكونش النار عالية لا هادية وكل وحدة وطريقتها في تقطيع لقمة القاضي انا بستخدم معلقة صغيرة وانزل اللي فيها بصباعي علشان ما اوسخش ايدي بس اللي عندها القمع المخصوص او حد يقلب عليها يستخدم ايديه الاتنين ومرة بعد مرو حتاخد ايدك عليها
حنقلي المرة الاولى لحد ما يشقر بس زي كدا
ونشيلها ونكمل باقي العجينة وبعدين نعيد نقلي مرة تانية على نار هادية هو بياخد شوية وقت بس النتيجة روعة وما بيشربش اي زيت..
ونطلعة ونحطه في الشربات البارد وهو سخن .. وبعدين نصفيه ونقدمه
اتفضلوا
شوفوا من جوا ازاي الكمية دي عملت الصحنين دول اتمنى انها تعجبكم وتجربوها في امان الله.. [/size][/b]
الرئيسية 
