حلقة نصائح تانية

[size=21]الحلقة دى بقى مهمة جدا جدا جدا وعاوزة تركيز لاننا هنتكلم فى كذا اتجاه وكذا تقسيمة بس الاول عاوزة اقول نصايح عامة

1- متلبسيش لبس كان موضة وراحت علية هيتقال عنك فلاحة
2- حاولى متجبيش غير اللبس اللى مش بيقدم عشان الواحد مش سهل يجيب لبس كتير
3- متلبسيش الوان كانت طالعة موضة زمان واندثرت زى اللمونى والبرتقالى
4- حاولى
متلبسيش الالوان المبهرجة ( ياعنى بلاش احمر فى اصفر فى فوشيا ) دى اكبر
مجال للتريقة من اللى ميتسموش واحنا مش عاوزين نشمت حد فينا
5- واكبى الموضة بس خدى اللى يناسبك بلاش عك
6- متلبسيش لبس مبالغ فى فخامته او مبالغ فيه من اى نوع لاسباب كتييييير
(مش هقولك حرام اهوا )
وخاصة لو مستواكى المادى والاجتماعى متوسط ياعنى مش ساكنة فى فيلا ولا شقة فى مدينتى

وعندك فى بيتك اصطف الشغالين الفلبينيات ومربية انجليزية
[/size][size=21]يالا هنبتدى نقول بقى التقسيمات بتاعتنا

الاولى : من حيث الجسم

الثانية : من حيث المناسبة والوقت

الثالثة : لون البشرة والالوان وتناسقها

الرابعة : من حيث السن

الخامسة : من حيث الطول

طيب يالا تابعوا معايا هنبتدى بس عاوزة احس ان فى متابعة

[/size][size=25]اولا من حيث الجسم

طبعا عارفين ان اللى يناسب الرفيعة - غير المظبوطة - غير الممتلئة – غير التخينة

يبقى كدا عندنا اربع انواع من الاجسام:

بفرض ان طولك المناسب من 160الى 165 عشان الاوزان الموجودة تتناسب معاها

1[size=25]- شديدة النحافة الى الرفيعة (من 36كيلو الى 50 كيلو )

مش من المعقول ان البس لبس ضيق ومحزق هيبين رفعى جداااااااااا ولا لبس مهرول يبين انى بردوا رفيعة جدا ويبقى الواحدة شكلها بيئة بجد

طيب الاول منلبسش اية ؟؟؟

1- اللبس الضيق جدا مينفعش

2- البنطلونات الاسكينيى هيبين رفعك جدااااااااا

3- العبايات الواسعة جدا

4- الجيب الصك والتونيك عليها الواسعة جدا

5- البديهات لوحدها

6- الحاجات اللى بتتطلب بادى كرينا والايد مكشوفة اوووووعى منها هتاخدى تريقة للصبح

كلللللللللل دول مينفعوش للبنت الرفيعة جداااا امال الحل اية ؟؟؟

واية اللى يناسبك

1- عبايات كاجول او خليجى متوسطة ياعنى مش واسعة ولا ضيقة مظبوطة

2- لو بتلبسى بنطلونات يبقى تلبسى بنطلون واسع او رجله واسعة من تحت

3- من فوق هتلبسى شميزات افضل حاجة

4- الجيب الواسعة من اللى طالعين موضة كويسين اوى وعليهم شميزات

5- بلطو شتوى على بنطلون متوسط لا واسع ولا ضيق

6- لو هتلبسى فست بس يكون بكم عشان ايدك متبقاش معرضة وتلبسى بادى كارينا

7- لو بتلبسى جيب وتونيكات الافضل تلبسى جيب واسعة وشميز وطولى الايشارب ياعنى ايشارب عريض

[/size][/size]

[size=25]ثانيا الجسم الرشيق – المظبوط من (50 كيلو الى 67 كيلو )

دول بقى مين قدمهم البسى اللى يعجبك بس من غير افورة ياعنى مثلا بلاش المناظر دى:

1- بنطلون ضيق جينز اسكينى او خلافه وعليه بادى قصير ( بجد مش منظر خااالص )

2- الشيميزات الضيقة جدااااااا لدرجة ان الزراير تبقى هتفتح ( بشوفه كتير المنظر الغبى دا )

3- متلبسيش بنطلون وتدخليه جوا البوت خاااااااااااااااااااااااااااااااااااااااالص

عينات من اللبس المناسب

طبعا التونيكات دى

فوق الركبة بشبر او على الركبة والبنطلون نازل رجله على شوية شارلستون

ثالثا الجسم الممتلىء (من 67 كيلو الى 85 كيلو )

دا بردو بيليق فيه حاجات كتير زى

1- بنطلون متوسط الوسع وعلية تونيك متوسط وميكونش طويل اوى فوق الركبة

2- عبايات كاجول او خليجى مظبوطة عليكى

3- جيبات صك وعليها تونيكات مش طويلة اوى خاصة لو انتى ممتلئة من الارداف

4- بنطلونات واسعة جدااااااااااااااا وعليها بلوزات قصيرة ياعنى فوق الركبة بشبرين

5- جيبات واسعة وعليها بادى ( بس تلبسى ايشارب عريض ) او عليها شميز

6- بلوزات مموهة ياعنى متبينش تفاصيل وتكون اكمام واسعة وعليها بنطلون او جيب صك

7- تايورات كاجول مش كلاسيك

[/size][size=21]طيب اللى مينفعش نلبسه

1- عباية خليجى مبالغ فيها ياعنى مقسمة اوى ( هيتقال عنك وحدة مش تمام )

2- بنطلونات جينز اسكينى (هتبقى زى الزير المقلوب حتى لو رجليكى تخينة)

3- فستات او تونيكات او دريلات هتضطرى تلبسى بادى كارينا ويبين ايدك كلها الا لو ايدك مش مليانة اوى

4- الاقمشة الجل متناسبكيش خالص حتى لو واسعة

5- الاقمشة الستان كذلك الامر

6- لو عندك بطن لازم تلبسى اى حاجة واسعة من عند البطن ياعنى ممنوع جيب وعليها حاجة قصيرة

او بنطلونات وعليها بلوزات قصيرة وضيقة بجد منظر غبى

7- لو سمنتك فى الاكتاف والصدر متحاوليش تلبسى حاجة واسعة اوى من فوق لا لازم تبقى ملمومة
من عند الاكتاف والصدر واكمامها مظبوطة ومن غير اوبلتيتات

8- لو سمنتك من اسفل ممنوع تلبسى بلوزات عادية لازم تلبسى بلوزات نازلة على واسع
ومتكونش طويلة اوى
[/size]
[size=25]رابعا الجسم السمين الاوزان بالنسبة للطول (من 85 الى 100 )

دا بقى اصعب جسم على الاطلاق فى اللبس لاننا بنبقى عاوزين اهم حاجة ندارى العيوب

بتاعة الجسم ودا مش بالموديلات بس لا بكل حاجة زى الالوان والاكسسوارات وكل حاجة

طيب هنقسمه لقسمين تمام :

1- شكل الجسم الكمثرى

( ياعنى سمنتك الاكتر من اسفل فى الهانش والاجناب والبطن والافخاد )

ودا هنقول اللى يناسبه فى اللبس

1- العبايات الخليجى اللى بتنزل على واسع

2- العبايات الكاجول اللى بتنزل على واسع

3- جيبات صك كاجول نازلة قصات على بلوزة متوسطة كاجول نازلة بقصات من تحت على واسع

4- لو بتلبسى بنطلونات يبقى بردوا لازم البلوزة تبقى نازلة قصات كاجول

5- لو انتى من فوق ايدك مش تخينة اوى يبقى ممكن الفساتين اللى عليها بلرو

2- شكل الجسم ( التفاحة )

( ياعنى سمنتك من اعلى فى الاكتاف والصدر والظهر والبطن )

اللى يناسبهم فى اللبس

1- العبايات الخليجى والكاجول مبظوطة جدا الى ماسكة بسيط من فوق ونازلة على واسع

2- بنطلونات جيبة على بلوزات متوسطة الطول مظبوطة من الاكمام جد تكاد تكون ماسكة بسيط

3- بنطلونات قماش عادية متوسطة وعليها تونيكات طويلة بردوا مظبوطة جدا من الصدر والاكتاف وبتنزل بوسع

4- لو جيبات صك هتنقى اى نوع من البلوزات اللى قلنا عليهم

ملحوظاااااااااااااااااااااااااات

1- اى نوع من الجسمين دول اللى يليق فى التفاحى ميلقش فى الكمثرى والعكس صحيح

2- اى موديلات تانية غير دول هتبقى اوفر جدا

3- ممنوع للجسمين لبس اى حاجة تحتاج لبادى كارينا يكشف الاكتاف والزراع بأكمله

4- اللى بيسرى على البلوزات يسرى على البلطوهات

5- الجواكت بأنوعها غير مفضلة للجسم دا نهائى الا المدامات الكبار بس ياعنى من 38 سنة كدا

[/size]