منتدي ملك للمرأه العربيه

منتدي ملك للمرأه العربيه
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  التسجيلالتسجيل  دخولدخول  

شاطر | 
 

 افكار واسرار الولاد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
خالت القمرات
مراقبه عامه
avatar

عدد المساهمات : 490
تاريخ التسجيل : 15/02/2012

مُساهمةموضوع: افكار واسرار الولاد    الأربعاء فبراير 29, 2012 1:01 am


واليكم هذا النبأ الهااام


الشباب تفكيرهم مش معرووف اووى
بس ده
تقدرى تقولى اختصار لدمااغتهم




اتفضلى


تاتاتااااااااااااا









1- الشب بيبص على البنت الحلوة (لان الله جميل يحب الجمال) بس مش شرط يحب
وحدة قمر 14 المهم تكون حسنة الطلعة زي ما بيقولو و روحها حلوة و جذابة .




2- الشب ميحبش البنت تعاكسه و تترما عليه و تتغزل فيه و في جماله عشان ده دوره هوا المفروض .



3- ممكن الشب يعجب بيكي للحظة و ينساكي بعديها ولا كأنه شافك قبل كده .



4- لما الشب يقولك انا مش قادر افهمك هوا يقصد ببساطة انو أنتي مبتفكريش بطريقته أو زيو .



5- "بتعملي إيه ؟" أو "كلتي ولا لسة ؟" دي أول أسئلة يسألها الشب لما يكلمك على التليفون بدل ما يقعد ساكت أو يقعد يتأتأ .



6- صحيح ممكن الشب تكون عينه زايغة على البنات اللي رايحة و اللي جاية بس
صدقيني قبل ما يجي ينام بيفكر في البنت اللي بيحبها و يحب يبقى آخر صوت
سمعته ودانه قبل ما ينام صوتها .



7- لما الشب يحبك بيتجاهل كل عيوب شخصيتك (مبيقعدش يطلع فيكي القطط الفطسة ويوريكي انك ازبل خلق الله) .



8- ابتسامة فرح جميلة منك بالدنيا واللي فيها عند الشب .


9- الشب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .



10- الشب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .



11- لما الشب يقولك انو عايز يقابل اهلك اوعي ترفضي بل بالعكس شجعيه و اقفي جمبه في المعركة عشان تحسي بحلاوة النصر .



12- الشب بيبقى نفسه يقول ويقول عن نفسه .......... بس مبيعرفش يقول غير عن
مغامراته اللي تتصدق بالعافية أو عن شجاعته في خناقة في فيلم أكشن.




13- على فكرة الشب بيعيط (مهما كان جامد و قوي مهوا بني آدم برضو) .



14- لما تبقي في بداية علاقة متستعجليش على انك تضايقي الشب عشان تتخانقوا ..........صدقيني هتتخانقوا هتتخانقوا .



15- الشب ميعرفش يحلم و يتأمل كتيير زيك و معدوش صبر عايز كل اللي يتمناه يتحقق في ثانية .



16- الشب يموت عشان يوصل للبنت اللي نفضتلوا و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .




17- لما توصلي لقلب شب أنتي كده دخلتي سكة مفيهاش رجعة (دخول الحمام مش زي خروجه) .



18- اوعي تدي شب رسالة متعلقة زي " عارف... " أو " عايزة أقولك حاجة.... " و
تسيبيه كده عشان كدة دماغه هتنط لاستنتاج بعيد أووووووووى عن اللي في
دماغك.
.


19- الشب بيتجنن لما بيلمس ايدك .


20- الشب لما يكون بيلعب لسانه ده بينقط كلام زي العسل يدوخ بيه اجدع بنت
بس تعالي حطيه قدام واحدة بيحبها هيتأتأ و كأن القطة اكلت لسانه.


21- لما الشب يقولك " اااممممم " أو يديكي أي عذر لما تطلبي منه حاجة اعرفي
انك مش عاجباه ومش مستعد يديكي (الكريديت كارد) أو حتى يدفع فيكي قرش واحد
.





23- لما تقولي لشب " لأ اااه " بيسمعها هوا حاول تاني بكرا (معلش أطرش هههههههههههههه) .



24- الشب بيكره الشب الفافي .



25- الشب بيموت في أمه (يعني كلوا الا هيا) .



26- الشب ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك) .



27- متستبعديش ان الشب ممكن يفكر في بنت معجبة بيه بس ده مش معناه ان حضرته مغرم بيها .



28- مستحيل تفهمي الشب إلا لو سمعتيه كويس (فبلاش بقاه تنزلي لوك لوك لوك لوك و اديه فرصة ينطق) .



29- الشب لو قالك بحبك مرة واحدة في القرن اعرفي انو فعلا بيحبك (بس مفيش مانع حضرته يسمعك شوية كلام حلو عشان يحسسك بأنوثتك) .



30- حاسبي ........ الشب احسن واحد ينشر الإشاعات يعني في خلال ساعة واحدة
شباب مصر كلها هيعرفوا اللي عايز يقوله من غير ما يعرفوا صدق والا كذب .


31- زي ما حصل مع امنا حوا و ابونا آدم أنتي نقطة ضعف الشب (استغلي المعلومة دي كويس هههههههههه ).



32- صح انك تجربي الشب الأول قبل ما تصدقي كلامه بس متسيبيهوش مستني كتير برة دائرة ثقتك .



33- الشب غالبا بيبقى صريح قوي لما يجي يتكلم عن نفسه .




34- مفيش شب ميعرفش يعاكس و يقول كلام حلو كلهم معاهم دكتوراه منذ الولادة بس بتختلف من واحد بجح لواحد بيتكسف من خياله.



35- الشب الشيك النضيف يموت لو هدمه اتوسخت حتى لو كانت الحتة اللي اتوسخت
اد السمسماية ولو حلفتيلو 100 يمين انها مش باينة مش هيصدق (خوديها من
قاصرها وقوليله يروح يغير) .



36- الشب بيحب البنت المحترمة حتى لو مكانتش أمورة للدرجة .



37- انتيمتك (صديقتك العزيزة يعني) اللي الشب بيلجألها لو حب يعملك مفاجأة
مثلا أو في مشكلة بينكوا وعايز حد يتوسطله مش بعيد ابدا يحبوا بعض هما
الاتنين و تخسري الاتنين حبيبك و انتيمتك (وكدة 1000 مبروك خرجتي أنتي من
موله بلا حمص ايد ورا و ايد قدام ) .



38- الشب لو شكالك همه و حكالك عن مشاكله هوا مش عايز منك غير انك تسمعيه
واوعي تعملي فيها ام العرييف و تنصحيه في نفس ذات اللحظة (في حموتها ) انما
بعديها ممكن .



39- حركة لا إرادية الشب بيعملها فيكي لما تكوني أنتي حبيبته يفضل يضايقك و ينرفزك و يغيزك و يعلق على كل كلمة تطلع من بقكك .



40- الشب لو حبك و كنتي مرتبطة هيلاقي 1000 مليون طريقة يبعدكوا فيها عن بعض و يخليكي تحبيه ( فخلي بالك ) .




41- الشب بيحب البنت اللي عندها حاجة اسمها عقل مش البنت اللي بتلبس ( مينيي سكرت ) .



42- الشب بيحاول يجيب الهدية اللي ممكن تعجبك صحيح بتمثلي انها عاجباكي بس بينا و بيين بعض نادراً لما بتعجبك صح ؟؟؟ هههههههههه .



43- عملياً الشب بيتفاخر عن كل حاجة تخصه ( ده أساسي يعني هههههههههههه ) .




44- الشب غالباً عمروا ميتآمن على سر خدي بالك بقوا مبيتبلش فيه فولة وده غصب عنوا ديه طبيعة عادي يعني .



45- الشب دماغه مبتهداش على طول بتودي و تجيب مبيبطلش تفكير ابدا .




46- الشب خيالو واسع قوي (يرمح فيه الخيل يعني . . . ههههههههه) .



47- الشب طولك عندو مش مهم بس صدقيني مفيش عندو أهم من وزنك حااااسبي .



48- الشب دايما لما يدخل علاقة جدية بيكون متملك لأبعد الحدود ( يعني هيقرفك قوي بس لو بتحبيه استحملي دي طبيعة آدم لما يحب) .



49- لما سيادتك تجنني شب معجب بيعاكسك و تديلوا الطرشة ( تنفضيلوا يعني ) هيتمسك اكتر بيكي و هيلزأ هههههههه .



50- غالباً بيكون صعب على الشب يسيبك و خصوصاً اذا كان بقالكو مع بعض أكتر من 3 سنيين ( يعني لو عمل كدة هيكون بيدوس على قلبه ) .



51- لازم لازم لازم الصراحة يعني تقولي للشب أنتي بجد مستنية إيه من
علاقتكوا ببعض قبل ما تدخولوا في الجد و تقع الفاس في الراس هههههه .



52- تحذير هاااام الشب لازم يجرب الإحساس بالرفض وخصوصاً لو كان من الشوية
الأماميير اللي مفيش بنت قدرت تقاوم جمال عيونه (ههههههه قال يعني ) وإلا
مش هيكبر و يعقل ويبطل لعب العيال .



53- لو حصلت ظروف مش قد كدة غالباً الشب بيلوم نفسوا أكتر بكتييير منك يا
بنوته ده كمان ممكن توصل انو يعمل حاجة في نفسو اوعي تسيبيه في ظروف زي دي
اتفقنا ؟ عشان ده أكبر وقت بيحتاجلك فيه .


54- الشب عموماً عندوا انفعال و شغف انو يتغير للأحسن * بس إرادته للأسف ضعيفة يعني محتاج منك زأة لو مفيش مانع ههههه .


55- الشب يكون مع الناس كلها واد إيه أسد مرعب محدش يقدر يفتح بقوو معاه بس
يجي معاكي أنتي و يبقى زي القطة المتروضة مش خوف منك لا سامح الله لأ ده
من حبه ليكي هههههه ( إوعي تفهميه غلط ).


56- لو الشب في موقف المفروض يكون متنرفز فيه و هوعمالك عم الكوول اللي
أعصابه باردة و ميتعصبش بسرعة شوفي اذا كان عرقان هتعرفي أد إيه هو متنرفز .


57- لما الشب يقولك انو مجنوون بيكي يبقى فعلا حبك عملو جنان م غالباً مش بيكدب .


58- لما الشب يقولك سبييني في حالي إعرفي إنو بيقولك "بلييز تعالي و
إسمعيني" يعني زني عليه عشان يحس انك مهتمة بيه و ان اللي يدايقو يدايقك
(بس مش الزن اللي يخنق) .


59-الشب في الحقيقة غالباً ملوش قرار نهائي ( وخدي بالك من النقطة دي) .


60- لما الشب يحبك بيطلع كل الحلو اللي فيه (إكسكلوسف ليكي أنتي و بس) شفتي بقا حبك بيعمل فيه حاجات حلوة إزاي .


61- لما الشب يسيب التهريج و يبقى عايز يتكلم بجد إسمعيه و وريه اد إيه أنتي مهتمة .



62- لو الشب فضل ساكت و قافل بقوو متقلديهوش و تأعديلي ساكتة أنتي كمان
انطقي و حاولي بكلمتيين كدة تزبطي القاعدة و تدوبي التلج اللي انتو فيه .


63- الشب ما بيآمنش بالحب من أول نظرة على عكس معظم البنات وبرغم كده
بيعاكس برضه لحد ميقع من غير ما حد يسم عليه و ساعتها بس هيآمن و يبصم
بالعشرة ان في حب كدة .


64- الشب بيحب في البنت أنوثتها بس ميحبش ضعفها يعني انوثة و قوة مع بعض و حلي بقى أنتي المعادلة الصعبة دي.


65-الشب ممكن يضيع وقته في ماتش كورة أو في لعبة بلستيشن أو كمبيوتر (في
الوقت اللي أنتي مشغولة بافكارك الرومانسية اللي بتشوفيها في الافلام
الابيض و اسود) اوعي تتضايقي بالعكس خدي الموضوع ببساطة و لو مفيهاش رخامة
حاولي تشجعي معاه أو حتى تلعبي معاه




الرجوع الى أعلى الصفحة اذهب الى الأسفل
ليل الرحمن



عدد المساهمات : 4
تاريخ التسجيل : 29/02/2012

مُساهمةموضوع: رد: افكار واسرار الولاد    الأربعاء فبراير 29, 2012 4:47 am

بجد اكثر من رااااائع

تسلم الايادى
الرجوع الى أعلى الصفحة اذهب الى الأسفل
خالت القمرات
مراقبه عامه
avatar

عدد المساهمات : 490
تاريخ التسجيل : 15/02/2012

مُساهمةموضوع: رد: افكار واسرار الولاد    الأربعاء فبراير 29, 2012 3:46 pm

تسلمى ياقمرة
الرجوع الى أعلى الصفحة اذهب الى الأسفل
 
افكار واسرار الولاد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي ملك للمرأه العربيه :: منتدى المرأة الاجتماعي :: أسرار المرأة-
انتقل الى: