بتدوري علي موبايل ومش عارفه تجيبي ايه

بتدورى على موبايل ومش عارفة تجيبى ايه تعالى اما اقولك










بسم الله الرحمن الرحيم
اولا تعازينا وربنا يصبر اهل اخواتنا اللى ماتوا فى بورسعيد وربنا يغفرلهم ويرحمهم
ثانيا يا فتوكات زى ما العنوان بيقول بالظبط انا بقالى فترة عايزة اشترى
موبايل وكنت دايخة عليه ومش عارفة اجيب ايه وماكنتش عايزةاغلط زى زمان
واجيب اى موبايل والسلام وارجع اندم ولقيت ان موضوع شراء موبايل مش سهل خاص
وبيعتمد على كذا حاجة:
1- اولا الميزانية يعنى عايزة موبايل فى حدود كام
2- استخداماتك او بمعنى اصح استعمالاتك للموبايل
3- محددة ماركة معينة ولا متفرقش معاكى
4- عايزة احدث حاجة ولا اى موبايل يناسبك وخلاص
5- عايزاه جديد ولا مستعمل
وانا هنا هحاول اساعدكم وندور مع بعض على الموبايل
المناسب وهتكلم معاكم على انواع الموبايلات وكمان التابلتس بس هنتكلم على
المواصفات الاساسية والسعر وابرز المساوئ والحسنات اللى موجودة فى
المويايل بدون اى اراء او ميول شخصية وهعتمد على المواقع المصرية
والعالمية واتمنى انى افيدكم وياريت لو الموضوع عاجبكم تقولولى وتقيموا
ولوحد عايز يشترى موبايل يقولى الخمس حاجات اللى فوق وانا هحاول اساعدها
اول حاجة هكلم على الماركات وهدى عليها نبذة بسيطة بس
خدوا بالكم ان الاراء على الموبايلات بتختلف من بلد لبلد وهحاول انى اكون
حيادية
اسامى الماركات :
1-htc اتش تى سى (تتميز بغلو الثمن وجودة الخامات والتصنيع )
2- sony ericsson سونى اريكسون (خاماتها جيدة وشكله مميز وانيق لاكن التوكيل بتاعها ضعيف وللأسف الدعاية ليها مش جيدة )
3- samsung سامسونج اشهر من النار على العلم ( تتميز بتنوع الموديلات
والامكانيات الى فوق ممتازة والسعر المناسب لاكن الخامات بتختلف حسب
الموبايل ومش جيدة اوى زى مثلا الاتش تى سى )
4- nokia حبيب المصريين(خامات جيدة وسعر مناسب لاكن الانظمة مش حديثة اوى
لاكن هو بتاع الهارد وورك يعنى تهريه استخدام وقطع غياره متوفرة)
5-apple ابل (الايفون)
6-black berry البلاك بيرى (محبوب الامريكان )
7- lg ال جى
8- motorola موتورولا
9-alcatel الكاتل
10- acer ايسر
11-G -Tide جى تايد (على فكرة دى ماركة مصرى مش صينى)
12-huawei هواوى ( ودى ماركة صينى بس جيدة الصنع وبدأت تنافس الماركات الاخرى)
13- الموبايلات الصينى بانواعها المختلفة
وكمان فيه انظمة مختلفة زى الاندرويد والسمبيان والبادا والجافا و
الابل والبلاك بيرى والويندوز ودى الانظمة اللى بتشغل الموبيلات

ياريت لو عجبكم الموضوع تقولوا وهنبتدى نتكلم على موبايلات كل ماركة ومستنية رأيكم

جميل بس انا اعرف ان السامسونج مش تمام خالص حتى بالنسبه للضمان غير نوكيا خالص
انا بصراحه من مشجعى نوكيا وسونى اريكسون الكاميرا فيه عاليه جدا على فكره
والآى فون ربنا ينولنا يارب ويوعدنا

علي طول كده اي فون
ربنا يسمع منك