بحاول لسه يفضل
مكانك فى قلبى
بحاول لسه مايضعش
فى يوم منى حبك
بس بعدك طال عليا
وبجد حمل تقيل عليا
لو كان ده اخر كلامك
هامشى يا حبيبى
ومش هتشوفنى تانى قدامك
بس خليك فاكر
حاولت كتير اعيش جمبك
واصون حبى وحبك
وانت اخترت البعد
ده منى اخر وعد
لو كان الفراق طريقك
اوعدك انى مش هكون
تانى حبيبك
ده كان قرارى
مش هفكر فيك تانى
واول ما تبعد عينى عن عنيك
هانسى اللى عشتو معاك
ومش هاندم لحظه
على ايامى معاك
عارف ليه يا حبيبى
عشان هابقى اتاكد
ان حبى ليك
كان اكبر غلطة
هسامح نفسى عليها
وابداء حياة جديدة
بس مش هيكون ليك فيها
يا حبيبى ولا زكرة
هامسح ذكرياتى معاك
ومش هافتكرك زى اللى فايت
لو فى يوم قابلتلك صدفه
فى طريقى وانا ماشى
هاشوف عينى فى عينك
هاتعرف انى خلاص نسيت
كل ايامى معاك
ومش هرجع تانى لهواك
مانا ضيعت عمرى معاك
وانت بعت اللى عاش ع هواك
هانساك ومش هافتكرك
ولا فى يوم هاشوف
فى خيالى ملامحك
هقول لنفسى انى مش فاكرك
الرئيسية 
